Ekde pli ol unu horo

mi tenas vin en miaj brakoj

De kelkaj tagoj

mi estas tute via.

Estas tre malfrue

kaj vi ne dormas

mi faris por vi lul-kanton

jen ĝi

Morgaŭ, la tago estos tie

kaj la birdoj

kantos sian ĝoj'

viaj oraj palpebroj malfermiĝos

al la suno kaj al ĝia kant'

Fermu la okulojn

estas mirinde

kaj en viaj revoj

ĉiuj feinoj

venos veki vin

(dormu kara)

Kial vi ne dormas?

Morgaŭ mi devas

ellitiĝi frumatene

mi havas rendevuon

gravegan

se vi amas vian patron

(se vi vere amas lin)

estu laca

kaj dormu nun.

Mi kaptis okazon

(vi glutadis vian suĉ-botelon)

por dormeteteto

ĉirkaŭ deksekunda

estis komforte

mi sentas min tute bone

nun vi dormas

vi ĉesas nin f...

(dormu kara)

Morgaŭ, la tago estos tie

kaj la birdoj kantos ilian ĝoj'

viaj oraj palpebroj malfermiĝos

al la suno kaj al ĝia kant'

Fermu la okulojn

estas mirinde

kaj en viaj revoj

ĉiuj feinoj...

Dormu! Dormu! Dormu!

(Damne!)

Kial vi ne dormas?

Dormu, dormu, dormu!

(Lasu dormi paĉjon!)

Tio, kion vi rigardas

ridanta

kaj tio, kion vi prenas

por paraŝutoj...

estas miaj palpebroj.

Mia filo...

Estas malfacile esti plenkreskul'.

Nu, ni ludu senkaŝe

ni rivelu niajn intencojn

Se vi ekdormas

al vi mi aĉetos poŝtelefon'

ponear'

pulvo-saket'

aldone kanguru'

se vi tuj ekdormas.

Viaj palpebroj pezas...

vi estas sub mia pov'...

varma sento

torporigas vian korp'...

vi fartas bone...

vi nur aŭdas mian voĉon...

mi kalkulas ĝis tri...

kaj vi ekdormos

Kial vi ne volas dormi?

Kial vi ne dormas?

Mi volonte donus al vi

dormigilon

sed ne plu estas

demandu al vi patrinon

Ve, ĉu vi estas nedormema?

Vi ne lasas al mi elekton, do

(alvenis la tempo de minaĉoj)

se vi ne dormas

mi forlasas vin al adopto!

Dormu! Dormu! Dormu!

Nu, ŝajne tio funkcias...

Vi fermas viajn okulojn

vi estas tiel afabla

estas mirinde

vi dormas kiel anĝelo

vi bonŝancas

Ankaŭ mi dormemas

sed matenas

mi devas vesti min

Mi furioziĝis

mia kor', mi bedaŭras

pardoncele...

mi ludos por vi trumpetaĵon.